شيكا بيكا وبوليتيكا .. ومقالب أنتيكا ولا تزعل ولا تحزن .. اضحك برضه يا ويكا ها ها ها ها .. ع الشيكا بيكا !

Friday, February 23, 2007
تااجز
التاج من فؤاد
اسم مدونتك؟
whateVer
زماان كانت تجربة فعالة .. كانت تعبير عن روحي لما كانت متوثبة بالأمل - نفسي اعرف كانت بتنط تروح فين دي - كانت فلسفتي ان كل حاجه بتمر عليا لازم اطلع منها بحاجه استفيد منها وبعدين لما الفلسفة اتغيرت واقتنعت تماما ان الحياة في مجملها مش الغرض منها انها تبقى كويسة وان الاساس انها تبقى دار شقاء وان فعلا فعلا فعلا مافيش حاجه اسمها امل ولا ان بكره كله هيبقى كويس - اساسا مافيش بكرة - وان كل دا مسكنات احنا بنديها لنفسنا عشان نستمر قررت اغير الاسم .. لاسم يعبر عن موقفي الحالي واللي يتلخص انها مش فارقه , نضحك ما نضحكش نعيط ما نعيطش نروح او نيجي مافيش حاجه كويسة هتحصل .. بس
هل فكرت في إغلاق المدونة.. والسبب؟
لأ اطلاقا .. والسبب انها بقت بيتي دلوقتي .. بهرب ليها وفيها من حياتي
صورتك فى المدونة ..رمزيتها ؟
صورة قطة , وانا بعشق القطط حاجه كدا جايالي في الجينات ولأني خايفة اخد خطوة تربية قطط لأني حاسة ان الموضوع كبير عليا لأني اساسا وغالبا تايهة .. والقطة في عينيها استفهام وعاوجه راسها بدهشة وانا هافضل دائما وابدا مستغربة من اللي بيحصل في الحياة حوالية
طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟
بتكلم عني انا .. مزاجاتي وحكاياتي واخباري .. تقدروا تاخدوا البلوج دا على انه مكالمة تليفون طوييلة بحكي فيها ااخباري لواحدة صاحبتي ما شوفتهاش من زماان .. يعني مافيهوش حاجه تهم حد
لماذا تدون أصلا ؟
عشان اتكلم
أحلى جملة قيلت لك فى وصف مدونتك ؟
ماحدش قالي حاجه عن المدونة ككل يمكن التيمبليت عجب ناس او ان موضوع يلمس حد لكن ككل لأ
التعليقات بالنسبة لك ..أهميتها ؟
تحديث .. معلش سوء الحالة النفسية هو اللي خلاني اقول اني مش مهتمة بالكومنتات لكن بالعكس الكومنتات مهمه جدا ليا لان معناها ان في حد سامع اللي انا بقوله وانه حتى لو انا شايفه اني هبله في حد شايف ان كلامي مهم
أحلى بوست كتبته ..ضع اللينك ..ثم اذكر لماذا ؟
كلبوظة انا .. لانه كان الخطوة الأكبر في اني اشيل الاستيجما من على الموضوع دا بالنسبالي ,هو انا من قبله وانا بقول اني تخينة وماعنديش مشاكل بس دي كانت اول مرة ابعبع باللي في نفسي كله كدا
تحديث .. والبوست دا كمان كان من اصدق ما كتبت تـــــوهة
أفضل مدونة قرأتها ..يمكن اختيار عدة مدونات ؟
ناس كتير جدا .. وعموما انا اللي بحبه باعلق معاه على طول .. في ليستة موجوده اهي بكل اللي بحبهم
أفضل بوست قرأته ..يمكن اختيار اكتر من لينك ؟
سوري انا هزوزغ من الاجابة لاني اساسا بني آدمة زهايمرية ومش عايزة حد يزعل مني
هل خسرت صديق بسبب كتابة هنا ؟
لع بس في حاجات معينة لو ناس معينين قروها اكيد هخسرهم
حد قل ادبه فى التعليق ..ايه رد فعلك ؟
لع .. ولو حصل يبقى كله في الدليت .. انا اساسا مابحبش قلة الأدب .. ما بحبهاش بالزيادة عن الطبيعي
أسوأ مدونة ..الاجابة اجبارية ..يمكن اختيار عدة مدونات ..هما كتير اصلا
مدونات الناس اللي دمها تقيل وبتستظرف ومدونة اللادينين الغير محترمين لما بيتمسخروا على الدين بسفالتهم المعتادة
أسوأ بوست ؟
هو في واحد في دماغي بس انا مش هاحط اللينك عشان بس ماموعش نفسكو
أمرره لمين بقى ؟
لكل الناس الحلوة اللي اعرفهم ..
معاذ
المتكاظين
انسانة
سبور هانم
 
posted by Rivendell** at 11:51 PM | Permalink | 9 الكومنتات الكريمة
Thursday, February 22, 2007
شاهدت لك !!




عجبني جدااا .. في حاجه في الفيلم دا خلت دماغي يتم امتصاصها بشكل كامل جوا الفيلم .. من عادتي اني اكون مفسدة للمتعة .. اي فيلم مهما كان روعة تنفيذه وقوة مشاهده ما بيقدرش يقف قدام قدرتي الفذة على ادراك انه مجرد فيلم ودول ممثلين وان كل دا سيناريو .. مفسدة للمتعة فعلا ... ماعدا دا .. نجا من تحت ايدي ... مشاهده قوية جدا وساهم في قوتها الموسيقى التصويرية اللي كانت اكتر من مثالية

Labels:

 
posted by Rivendell** at 9:56 PM | Permalink |
Wednesday, February 21, 2007
يا مصري ليه
الدكتور طنـطاوي
...
..
.
.
.

مــصــرنــا
اللينك بالأبيض

Labels:

 
posted by Rivendell** at 8:05 PM | Permalink |
طقوس


عندما اكتئب احب ان اتربع على مكان عالي .. لا ادري لم تحديدا ولكن هذا ما يحدث .. اجلس واصمت تماما .. النوافذ هي مكاني المفضل ايضا في المنزل .. لي غرام خاص معهم .. بالنسبة لي النافذه هي محور الغرفة .. ارتب اثاثي على حسبها ... لا امانع اطلاقا زحزحة سرير كبير او دولاب ضخم فقط لأحافظ على نافذتي مفتوحة ... مكتبي دوما تحت النافذة لاني لا اطيق النظر الى الحوائط المسدودة .. عندما اكتئب وافقد الرغبة تماما في الحياة اكوم اغراضي على احد اركان المكتب واتربع فوقه في مواجهة النافذه ... هو الوضع الوحيد الذي يسمح لي بالتنفس بشكل طبيعي .. ويصبح لا معنى لأي شيء آخر .. انعزل في هذة اللحظة تماما .. ربما افكر وغالبا لا .. فقط يصبح لا معنى لأي شئ آخر .. فقط انا والفضاء امامي .. وفي الاسفل بعيدا بعيدا .. توجد الحياة

Labels:

 
posted by Rivendell** at 6:49 PM | Permalink | 2 الكومنتات الكريمة
السلطانية
ابتسامة جانبية .. بابا دايما كان يقعد يحكيلنا حكاية مرزوق والسلطانية ويالطيف اللطف ياااارب ... وانا عندهم اخر مرة .. حكهالي تاني .. المرة دي انا اللي طلبت .. واتحايلت عليه كتيررر .. حتى عملتله طبق سلطة الفواكه الشهير بتاعي كنوع من انواع الرشوة المقنعة ... ههههه .. وانا ماشية اتكعبلت في التسجيل الأصلي .. اللي بابا كان بيسمعه وهو صغنن .. مش قادرة استنى لبكرة عشان اتصل بيه واقوله اني لقيتها ... بس امري لله فرق التوقيت وزمانه في سااابع نومة .. المهم يعني انا كان لازم اقول لحد اني لقيتها ....... لقيتهاا
 
posted by Rivendell** at 12:07 AM | Permalink | 2 الكومنتات الكريمة
Monday, February 19, 2007
في النور



في النور
 
posted by Rivendell** at 3:30 AM | Permalink |
Saturday, February 17, 2007
هواجسي الحزينة
بخاف على اللي بحبهم اوي .. وبيبقى نفسي اشيل عنهم كل حاجه .. مااستحملش انهم يتالموا ولو لحظات .. باحس ان قلبي بيتعصر عليهم .. كل ذرة وجع بتتنقلي وباتشربها حتى الموت .. ولما بحس بالعجز قدامهم بابقى مخنوووقه .. مخنوقه اوي ...
هي يمكن انانية مني .. لكن انا عايزة ابقى اول واحدة تموت في اللي بحبهم .. مش هاستحمل رحيلهم المفاجئ عني .. حياتي ماحصلش فيها وفيات خطيرة قبل كدا .. اكيد في ناس اعرفهم ماتوا .. بس ماكنتش اعرفهم بجد .. يعني جد من هنا على خال ام من هناك .. كنت صغيرة اوييي ..مااوعاش اوي .. لكن الرحيل هو الكابوس ... يوم ما خال ماما توفى سافروا كلهم العزا وانا كنت بتاع 6 سنين كدا .. وماكنتش اوعى على اني شوفته اصلا .. بس قعدت اعيط .. انفطرت في العياط مش عيطت بس ... لسه فاكراني وانا قاعده عالكنبه بعيط جنب خالتي اللي كانت قاعده بينا ..
وانا عندي 10 سنين كدا واحدة زميلة اخويا في الفصل ماتت .. كانت مريضة بالقلب .. وانا كنت عمري ما شوفتها قبل كدا .. بس اول ماعرفت قعدت اعيط برضه ... انفطرت في العياط
ساعات افكر .. لو مكتوب حد من اللي بحبهم يعيا يبقى احسن اني انا ابقى مكانه .. عشان ماحسش بالعجز قدام المه .. مستعده للتبادل دا بشكل فوري ومن غير تردد .. مش مهم العمر ولا الصحة ولا اي حاجه عندي .. لكن المهم ان مافيش حاجه تمس الناس دي
ساعات امسك صورة جدي اللي مات وانا عندي سنة واقعد اعيط .. بابا قالي انه كان روحه فيا , كان لازم هو اللي يأكلني .. يحطني في العربية وياخدني يتمشى بيا وبعدها يقعد على اي كرسي في الشارع ويأكلني
باكره احساس العجز .. عشان كدا باحس بخيبة الامل كل ما دراستي بتعلى .. باعرف ان حاجات كتير مالهاش حل .. امال انا هاساعد الناس ازاي .. ماقدرش اخد تخصص اشوف الناس فيه بتموت او عيانه وابقى عاجزة قدامهم .. اورام .. لأ , أطفال .. لأ , كل حاجه في الطب هتبقى لأ .. انا هاروح اشتغل رقاصة احسن
دايما بسال ... انتم حاسين بايه دلوقتي ... دايما .. لو تعرفوا بحبكم قد ايه .. كل الغاليين عليا .. انا بحبكم اوي .. يمكن باغلط في حقكم ويمكن بتغلطوا في حقي .. لكن بحبكم جداا جداا .. ربنا يخليكم ليا
 
posted by Rivendell** at 4:00 AM | Permalink | 6 الكومنتات الكريمة
Thursday, February 15, 2007
عالم ....




 
posted by Rivendell** at 5:28 PM | Permalink |
للحرية وجوها عدة



مش فاكرة انا جبتها منين بالظبط لكن لما شوفتها دلوقتي علقت معايا بشدة
 
posted by Rivendell** at 7:27 AM | Permalink |
Tuesday, February 13, 2007
....

 
posted by Rivendell** at 11:39 PM | Permalink | 0 الكومنتات الكريمة
Allah Knows by Zain Bhikha

When you feel all alone in this world

And there’s nobody to count your tears

Just remember, no matter where you are

Allah knows

Allah knows

When you carrying a monster load

And you wonder how far you can go

With every step on that road that you take

Allah knows

Allah knows

No matter what, inside or out

There’s one thing of which there’s no doubt

Allah knows

Allah knows

And whatever lies in the heavens and the earth

Every star in this whole universe

Allah knows

Allah knows

When you find that special someone

Feel your whole life has barely begun

You can walk on the moon, shout it to everyone

Allah knows

Allah knows

When you gaze with love in your eyes

Catch a glimpse of paradise

And you see your child take the first breath of life

Allah knows

Allah knows

When you lose someone close to your heart

See your whole world fall apart

And you try to go on but it seems so hard

Allah knows

Allah knows

You see we all have a path to choose

Through the valleys and hills we go

With the ups and the downs, never fret never frown

Allah knows

Allah knows

Every grain of sand,

In every desert land, He knows.

Every shade of palm,

Every closed hand,He knows.

Every sparkling tear,

On every eyelash, He knows.

Every thought I have,

And every word I share, He knows.

Allah knows.

Labels:

 
posted by Rivendell** at 10:04 PM | Permalink | 0 الكومنتات الكريمة
Sunday, February 11, 2007
في عز الشتا



لحظة دفا في عز الشتا
دققوا كويس
..
..
..
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات اكتر بترفض تموت
عجبي
 
posted by Rivendell** at 10:06 PM | Permalink |
Saturday, February 10, 2007
عدت سنة
ايوة عدت سنة
نأسف لتحجر قلوبنا
او لأننا نسينا
اهلنا
البقاء لله
السلام 98
اضغط اللينك بالأبيض

Labels:

 
posted by Rivendell** at 6:14 PM | Permalink |
Friday, February 09, 2007
عن الحب يقول دي ميلو
اضغط اللينك

Labels:

 
posted by Rivendell** at 1:44 AM | Permalink |
Wednesday, February 07, 2007
ليلة شتوية بلا معنى
ادندن بالتحفجية قليلا ثم انظر من نافذتي الى البرد في الخارج
اذهب الى الكومبيوتر واقرر سماع عمر فاروق فاتذكر اني قررت عدم سماع اي موسيقى فامتنع
اتذكر عندما كنت معهم في السيارة وقرروا سماع اغاني لم اكن لافرض عليهم معتقدي فلم اعترض
اعتدت الا اعرض افكاري على احد ليشتريها
حينما يسألني احدهم المشورة اعرض كافة الحلول واضيف في النهاية القرار في يدك حسب ما تختار
كثيرا ما اواجه بالهجوم على قرار عدم سماع اغاني .. هجوم او سخرية او اعتراض
ما استقبله هو انني العب في حيز السلام النفسي فلابد من تسفيه رايي حتى لا اصبح تهديدا لما اعتادوا عليه
لم نتعلم بعد كيف نحترم الاخر بلا هجوم او خوف على مبادئنا
افكر كثيرا مؤخرا في هذا الأمر
انا مش مغسلة وداخله جنة
ولا يبدو علي اي نوع من التدين .. انا فقط محجبة وثلاث ارباع الشعب المصري من الفتيات يرتدين الحجاب الان
افكر في جدوى هذا الأمر .. هل فعلا امتثلت لكل شئ آخر فلم يبقى الا قطع الاغاني
ربما للحج الاثر الاكبر في ذلك
عند عودتي لم اتغير كثيرا ربما فقط موضوع سماع الاغاني هذا والاطمئنان في سماع القرآن اكثر
افكر هل انتهى امر الدين تماما حتى يبدا الخلاف في مشروعية الموسيقى
ابحث كثيرا في الداخل عن سبب اصيل لهذا التوقف
فاكتشف للعجب لانها لم يعد لها تأثير .. فقط توقفت عن الاستمتاع بها
توقفت عن الاستمتاع بها
لمسات كثيرة اعتدت الاعتزاز بها لم يعد لها تاثير
تعودت ان افكر بشكل جماعي وان اشغل راسي كثيرا بما يدور في رؤوس الناس وكان هذا كافيا لي لاكره الكثير من عاداتي حين اكتشفت ان كثيرين مثلي لهم هذه العادات وان الأمر ربما اصبح نوع من التصنيف الذي يعتمد على ماذا تفضل ان تسمع او تقرأ او اي فصول السنة تحب او هل تحب اسكندرية وتأثير البحر وكل هذه القوالب الجاهزة
وانا اكره ان يتم تصنيفي بأي شكل من الأشكال
دماغي معطلة عن العمل تماما منذ عودتنا من الاسكندرية
يخيم على رأسي جو ملبد بالغيوم يوحي بمطر كالذي اسقطته ابواب السماء على ام رأسي في المنتزه
اعيد اكتشاف علاقتي بأخي وربما اندم قليلا لانني اعتدت تنحيته من حياتي لا ادري من منا اصابه التغيير انا ام هو
ارغب ولا ارغب في اقتناء قطة
انظر الى نفسي جيدا في المرآة
وأسألها ماذا تريدين تحديدا
فقط كلمة لا أمل تضوي في رأسي كلافتة احد كازينوهات شارع الهرم وبلا سبب محدد

Labels:

 
posted by Rivendell** at 11:44 PM | Permalink | 1 الكومنتات الكريمة
Sunday, February 04, 2007
عايزه من داااااا


انا عايزة من داااااااااااااا

ماليش دعوااااااااااااااااااااااااااااااااااااااااااااااااااا

دي شيرازي بيكي فيس

او دي



دي نوعها اكزوتيك

Labels:

 
posted by Rivendell** at 3:51 PM | Permalink | 2 الكومنتات الكريمة
يا مطرة رخي رخي


الزقازيق في شبر مية
كالعااااادة
ملحوظة : نأسف عشان الصورة معووجة شوية

Labels:

 
posted by Rivendell** at 1:42 PM | Permalink | 4 الكومنتات الكريمة
Saturday, February 03, 2007
لنعد الى لبس القبقاب
الله يخرب بيت الكعب العالي على سنين الكعب العالي
طول حياتي وانا من مشجعي الفلات
في الواقع الكوتشيات كمان مش اي فلات
ومبأي في الحياة ريح رجليك وسحقا للمظاهر
اقوم على اخر عمري البس كعب
ولما البس كعب مش البسه بما يتناسب مع كوني مبتدئة في هذا العالم
لااااا ازاي لازم ارزع نفسي كعب 7 سم
كان فين عقلي وانا باجيبه .. كانت فين نوااااضري مش عارفه
ركنته في الدولاب طبعا لاني ماساتحملتش
لكن اتزنقت النهاردة في كعب عالي
كنت لابسه حاجه طويلة وكانت هتجرجر في الأرض لو مشيتها فلات
ادور يمين ... ادور شمال ... اني الاقي اي حاجه تنفع تانيه .. مافيش
يا اخواتي حرااااااام
مااستحملش انا كدا
هفرفر في ايدكم
مالهاش حل تاني
اي نعم انا لبست كوتشي قبل كدا في فرح لكن كان عندي عذر
كان عندي امتحان بعدها ونسيت اشتري حاجه تتلبس
المهم سيبنا من الاستطراد
قولت وبعدين في الحوسه دي ياربي .... اتنيلت لبسته
وعينكم ما تشوف الا النور
انا اساسا مش قصيرة يعني طولي حلو كدا بين البنات
فلما بقى اركب على 7 سم بازرع وبابقى نخلة
والكعب طبعا رفيع مش عريض
والنعل ناااااااااااااعم
يعني راكبة مرجيحة مش بوت
باظبط اموري على الموكيت
لكن عينك ماتشوف الا النور على السيراميك او البلااااط
يا نهاااار ازرق ولا كاني لابسه قباقيب الباتيناج
وروحت الفرح ووقفت مع الناس
ولفيت مع اللي بيلفو وسقفت وهللت
وفي نص الهيصة سيبتهم وروحت قعدت عالسلم
لا تقولي كرسي ولا ترابيزة اقرب حاجه ليا واتركنت عليها وقعدت
وحسيت مشط رجلي عايز يطلع يضربني قلمين ويقولي
الله يحرقك انت والفرح في يوم واحد
وطبعا مش قادرة ابين المعاناة اللي انا فيها
عشان وضعي ومنظري
فضلت مبتسمة ابتسامة بلهااااء وعماله اسقف
تقولش سامعه درس من دروس الشيخ كشك فمتكيفة اوي
وبعد 4 ساعات من العذاب ماقدرتش كلمت اخويا العزيز ييجي يروحني
وانا طالعاله بره .. الكعب اتكسر
ولولا الملامة كان زماني قلعته ومشيت حافية
واللي حاشني انه بوت وبرباط
ووصلت بيتنا ومن ساعتها وانا فاقدة القدرة على المشي
فيا نسااااء العالم
اتحدوااا
للقضاء على مصانع الكعب العالي وعلى محلات الكعب العالي
ولنعد الى الطبيعه
لنعد الى لبس القبقاب
 
posted by Rivendell** at 1:57 AM | Permalink | 9 الكومنتات الكريمة