شيكا بيكا وبوليتيكا .. ومقالب أنتيكا ولا تزعل ولا تحزن .. اضحك برضه يا ويكا ها ها ها ها .. ع الشيكا بيكا !

Sunday, October 19, 2008
انا الآن في منتصف المعمعة تماما باقي من الزمن اقل من شهر
يقولون وقوع البلا ولا انتظاره والواحد بقاله كام سنة مستني
امتحاناتي قربت ادعولي ربنا يفرجها بقى
ست سنوات من عمري والسابعة تمضي امامي الآن
وتساؤلات غامضة ومخيفة عن مصيري الحقيقي
مش وقته التساؤلات الفلسلفية دي انا عارفة
يمكن تأثير الولادة والجراحة اللي ركبوا على بعض
كل شئ جااايز
يارب ابقى وسيلة شفا للناس مش اداة لتعذيبهم
يارب رقق قلبي دايما وحنن ايدي ابدا على عبادك
يارب مابقاش الدكتورة بكيزة المفترية ولا عطية البصمجية
يارب يارب يارب
 
posted by Rivendell** at 3:09 AM | Permalink | 7 الكومنتات الكريمة
Friday, October 03, 2008


مرت سنوات منذ شعرت بهذا القدر من السعادة الخالصة

سعادة بلا هدف معلق او حدث مرتقب

سعادة معلقة هكذا كشعاع الف فنار يضئ

ترتسم على وجهي معظم الوقت الآن ابتسامة حالمة بلهاء الى حد ما

ويكفيني هذا القدر فأنا لا اقلق على شئ ولا اترقب شئ

انا سعيدة وسأسعد بإذن الله

فاسعدوا معي


 
posted by Rivendell** at 2:45 AM | Permalink | 3 الكومنتات الكريمة