شيكا بيكا وبوليتيكا .. ومقالب أنتيكا ولا تزعل ولا تحزن .. اضحك برضه يا ويكا ها ها ها ها .. ع الشيكا بيكا !

Wednesday, August 22, 2007
22\8
مش وقت بلوجينج خالص انا عارفة لكن مين اللي كان قال ان اكتر الافكار عبقرية وابداعا بتيجي وقت الامتحانات .. مش فاكرة
طول عمري وانا عندي مشكلة حقيقية في ضبط النفس والانضباط
ماعنديش القدرة ابدا على اتباع قواعد دايما جداولي فاشلة وغير مكتملة من ناحية التنفيذ على الرغم من براعة اعدادها , بسبب الحكاية دي ماعدتش بعمل جداول ابدا او احدد وقت معين للمذاكرة , بمجرد ما السيرة بتيجي في دماغي بعرف فورا ان اليوم اتحرق ومافيش مذاكرة
وقت حرج بجد فاضل 10 ايام وانا ملكة الباد فينيشينج ... قفلتي دايما وحشة .. فاللي يحب النبي يدعي بقى
كان مين اللي اتكلم عن ان اللي بيحب دايما بيشوف اللي بيحبه احلى واحسن الناس .. مش عارفة
قريت عن الحب انه اتولد اعمى واللي خد بايده الجنون .. بس فين مش فاكرة
كنت استغرب اوي ان اللي بيحب بيشوف حبيبه احلى حد مع ان حبيبه دا ممكن يكون شكله ملخبط خااالص
الايام دي بقيت بابص للي بحبهم اوي وبابصلهم كتير
ماما واختي الصغيرة دايما ابصلهم وهما نايمين ودايما باحس ان مش ممكن يبقى في حد احلى منهم او اكتر ملائكية
وبرغم انهم مش احلى العالم شكلا - مع انهم حلوين فعلا - لكن بالنسبالي هما اجمل اتنين في الكون
يمكن قرب سفرهم .. مش عارفة
ساعات كتير اقارن زمان بدلوقتي
زمان انا .. المراهقة المذعورة .. اللي جابت مجموع معجزة وهتدخل طب وهتبعد عن بابا وماما
هتقعد في مصر من غيرهم
ودلوقتي انا .. الشابة الغير متحمسة لمعظم الأشياء .. متوسطة النجاح في الكلية .. المكبوتة نفسيا تماما
وباندهش من قدرة الزمن على الانسان
وفعل الفراق وتاثيره في قدرتك على الاحساس
ساعات بقول لنفسي اني كبرت على وئوئة العيال .. عايزة ماما . عايزة بابا
والحقيقة اني فعلا كبرت
السنة دي حاجات كتير اتغيرت في البيت , يمكن مش تغيير ملموس حسيا لكن عقليا وعاطفيا ضخم
كبرنا
وكل واحد فينا راح في سكته
يمكن انا لسه سكتي مش باينة لكن خلاص نفسيا انفصلت وبقيت على عتبة جديدة
اللي عارفني عارفين اني مش باردة يعني من النوع اللي بينفعل ويثور ويزعق
بس الحقيقة اني جوا بيتنا بقيت باردة
الافكار اللي كانت تموتني زمان ماعدش ليها تاثير دلوقتي
مش عارفة خطرفة اخر الليل دي جيا منين
قرب الفراق
قرب الامتحان
الجزء الهباب اللي بقراه دلوقتي
الله اعلم
لكن انا عارفة اني هادخل دلوقتي ابص على ماما واميرة واحس انهم احلى اتنين في العالم
ويمكن ارن على السهرانين زي حالاتي
واشرب قهوة باللبن
وابص للساعة واحس ان عقربها عامل زي مقصلة كل مابينزل في الساعة بيقطع من جوايا حتة

Labels:

 
posted by Rivendell** at 2:08 AM | Permalink | 12 الكومنتات الكريمة
Monday, August 06, 2007
بحر هم
هو ينفع تبقى تعبان ومانتاش عارف
يعني
تبقى كويس وفجاة كدا تلاقي نفسك بتعيط
يعني
تبقى سارح في دنيتك وفجاة كله يبقى سواد
زي ما تكون خبط في حيطة خفية
ومانتاش واخد بالك
يعني
ايه اللي خلاني النهاردة
وانا بقضي مشاوير عادية اقرر اطلع على الطريق فجأة
وكل ما ادوس بنزين اكتر
احس ان في هم كبير عمال يتشال من على صدري
زي ما تكون عنيا كانت سد حابس وراه بحر كبييير
بحر هم
والسد دا اتهد فجأة
بس من غير سبب
من غير سبب خالص
انا مش فاهمة حاجة
!! حد فاهم

Labels:

 
posted by Rivendell** at 8:16 PM | Permalink | 18 الكومنتات الكريمة
Sunday, August 05, 2007
:)
استراحة بسيطة وذكريات حلوة من دخانيق القلب
بس المرة دي بالليركس







Vola, palombella

Vola, vola, palombella
prima che scompaia la mia stella
e un bacino sulla fronte
porta il sole che spunta all'orizzonte
e se un chicco d'oro ti darà
un chicco di felicità
me lo presti, amica bella?
Vola, vola
Vola, vola
Vola, vola
Vola, vola
Vola, vola, palombella

Palombella, vuoi volare
nella luce rossa che hai portato in tutto il mare
al tramonto, con dolcezza?
Fai col tuo richiamo una lievissima carezza
Se una goccia rossa ti darà
un sorso di felicità
Mi disseti, amica bella?
Vola, vola
Vola, vola
Vola, vola
Vola, vola
Vola, vola, palombella

Palombella, bene mio,
non mi dare mai l'addio
Fa' che veda le tue ali
mentre sali sempre più
Palombella, amica mia
Volo bianco d'allegria
Canto azzurro, dolce, intenso,
bello e immenso, vola su
Salutami e parti pensando che
Sono qui ma volo in te
Vola, vola
Vola, vola
Vola, vola
Vola, vola
Vola, vola, palombella

Vola, vola palombella
appena vedi in cielo la mia stella
Cogli il primo suo bagliore
e quando è notte accendilo nel cuore
Ma nel tuo brillare di lassù
non ti scordare che quaggiù
io ti aspetto, amica bella
Vola, vola
Vola, vola
Vola, vola
Vola, vola
Vola, vola, palombella

(Vola, palombella, 1986)

Labels:

 
posted by Rivendell** at 5:37 PM | Permalink | 6 الكومنتات الكريمة