شيكا بيكا وبوليتيكا .. ومقالب أنتيكا ولا تزعل ولا تحزن .. اضحك برضه يا ويكا ها ها ها ها .. ع الشيكا بيكا !

Thursday, November 30, 2006
نشرة اخبار الخامسة والعشرين
مش عارفه ايه مشكلة اني ببان هبلة جدا جدا من برة مع اني جد جدا جوايا يعني لما بابقى لوحدي بابقى جد وكئيبة ولما بابقى بين الناس بتنزل عليا هفة الهزار وببان هبلة مش عارفه ايه المشكلة دي يا ولا, ابويا دايما يقول لا تكن مهزارا فيستخف بك القوم .. بس يا والدي اللي مش بيعرف غير انه يهزر على طول يعمل ايه ا
واحده صاحبتي عامله على ام اللي جابوني كماشة ومفروض برضه اني القطة المغمضة و صراحة انا لسه ماهبتش فيها و اديني مرقدلها وبتفرج ... هيا الفرجه عليها جمارك
لكل قرائي الاعزاء جدا اللي اعرفهم واللي مااعرفهمش ما حدش يتخض مني ويقول عليا بت قلبها اسود انا مش هاقعد اغني في ملائكيتي لكن انا قررت اكتب الكلام اللي فوق دا عشان افتكر مشاعري في اللحظات دي .. لانهم بيبقوا يومين صحيان وبعدها ارجع انسى , صاحبتي بتقولي انت قلبك ابيض هي بس ماتعرفش اني عندي زهايمر مزمن بينسيني
المهم اخر الانباء بقى انا رايحه احج السنة دي بعون الله فدعواتكم ربنا يديني عمر لحد مااخلص اركان الحج كلها وانه يقبله مني
احتمال ومش اكيد اني اتقي الله في نفسي بقى واعمل روجيم بس الاول هاروح اشوف الكوليستيرول بتاعي بقى قد ايه لاني حاسه كدا اني قنبلة موقوته ماشية على رجلين
عندي نوبة انفلونزا لزيزة جدا جدا جدا نفسي اشيل دماغي من مكانها وارميها في بير السلم صراحة
احلى حاجه في الدنيا كلها وقفة في بلكونتنا بعد الفجر بشوية قبل الدنيا ما تشقشق والهوا البارد وريحته النضيفة وصوت صفارة القطر وهو قايم من المحطة عايزة القطها في كادر واعيش جواه للابد
احلى حاجه في الدنيا برضه اني عندي القدرة اني اهبل الكلام دا كله من غير كسفه من نفسي او من الناس
امي واختي والحاج واحشنيييي اوي اوي اوي اوي اوي اوي اوي ... الغربة واعرة جوي
مرمر حبيبة قلبي عيد ميلادها كمان اسبوعين عايزة اعملها مفاجاة بس مش عارفه ازاي
نفسي اسافر اوي الواحد طرشق من جنابه من المللللللل عايزة الف الدنيا دي كلهاااااااااا
انا مطبقة .. اعتقد دا سبب واضح وكافي للتخريف السابق
صباحكم اصفى من اللبن الحليب
:D

Labels:

 
posted by Rivendell** at 8:19 AM | Permalink | 7 الكومنتات الكريمة
7omarz

How sadly you’ll be surprised to know that someday you’ve been someone’s else pain... stab in the back … sad memory … turning point .. Chock in the throat … suddenly you hit the fact that you’re a big 7omar

So proudly a I announce that I am a big 7omar
ملحوظة خارج السياق : الله يرحمه مات في الغربة ماكانش عارف يقول وارر

Labels:

 
posted by Rivendell** at 3:49 AM | Permalink | 0 الكومنتات الكريمة
Monday, November 20, 2006
Audrey Hepburn

Labels:

 
posted by Rivendell** at 12:23 AM | Permalink | 3 الكومنتات الكريمة
Monday, November 13, 2006
MAD WORLD - Gary Jules
All around me are familiar faces
Worn out places, worn out faces
Bright and early for their daily races
Going nowhere, going nowhere
And their tears are filling up their glasses
No expression, no expression
Hide my head I want to drown my sorrow
No tomorrow, no tomorrow
And I find it kind of funny
I find it kind of sad
The dreams in which I'm dying
Are the best I've ever had
I find it hard to tell you
'Cos I find it hard to take
When people run in circles
It's a very, very
Mad World
Children waiting for the day they feel good
Happy Birthday, Happy Birthday
Made to feel the way that every child should
Sit and listen, sit and listen
Went to school and I was very nervous
No one knew me, no one knew me
Hello teacher tell me what's my lesson
Look right through me, look right through me

Labels:

 
posted by Rivendell** at 2:05 AM | Permalink | 5 الكومنتات الكريمة
Thursday, November 09, 2006
توهان
ان تشعر بالفقد .. يدور راسك بحثا عن مخرج اعتدت دوما ان تلجأ اليه .. وحين لا تجده تهلع .. تندهش حين يصبح لهذه التفصيلة
البسيطة كل هذا التأثير المهول .
ان تشعر بالافتقاد .. غصة الحلق والألم .. ان تعتاد ومن ثم تعرف متى تتوقف ثم تعتاد الاعتياد فتتفاجأ بالتفاصيل تنهش ما تبقى من بقايا الكنز المخفي .. تخشى ان يـُستهلك فتعامله بحرص .. تـُنصت الى حوارك الداخلي فتكتشف انك قد صمت منذ امد .. تلتمس حميمية من ذرات الهواء ومن قطرات الماء ومن كلمة الو تبدو مشوشة قليلا , تلتمسها في ابتسامة عابرة او تحية حارة صادقة ثم تتوقف عن ان تكون وعن البحث وعن الوجود
تضحك وتضحك وتضحك وحين تصمت اخيرا تتجهم بلا سبب
تعترض محافظا ً على صمتك و تكذب بلا وعي
ثم تلتمس الحميمية من لا شيء
وتشعر بعدها بالفقد

Labels:

 
posted by Rivendell** at 10:11 PM | Permalink | 2 الكومنتات الكريمة
Tuesday, November 07, 2006
يحيي باشا

نقلا عن مدونة
هــدوء نسبي

هاهاهاهاها

Labels:

 
posted by Rivendell** at 12:14 AM | Permalink |
Sunday, November 05, 2006
كلوستروفوبيك .. نوت



مش عارفه ايه مشكلة الناس مع الحبسة في الاسانسير ... وانا نازلة من بيتنا الاسانسير عطل بيا .. وايع يعني عادي .. كنت قريبة من الدور التاني كدا ناديت على البواب ييجي يتصرف .. وبما ان الموقعة حصلت قدام حيطة كان لازم يطلع لحد ال 13 عشان يسحب الاسانسير قدام باب , وبما ان الراجل من عمر منقرع كدا , وبما اني انا اللي جوا الاسانسير قلت يبقى الموضوع هيطول .. قمت فارشة ورق واستريعت عالارض وقعدت اراقب الحياة من منظور مختلف ... الحقيقة افتكرت ايام ماكنت قزعة وكان الحاج الوالد بيقيس طولي انا واخواتي على حسب رقم الدور اللي بنوصله .. اول ما سكنا هنا كنت عند التاني .. حاليا انا وصلت لارتفاع برج القاهره ..... يلا ابتديت احس بحركة الاسانسير , تقريبا قربت اخرج , خسارة خرجوني من تأملاتي ... اممممممم شكلي كدا هكررها تاني ... طبعا لما وصلت الدرس متأخرة ساعة اضطريت اسحب الدكتور برة عشان احكيله عاللي حصل من غير ما زملاء الدرس الاعزاء يسمعوا حاجه حفظا لمنظري التاريخي قدامهم .. طبعا هما بيقروا الكلام دا دلوقتي ومنظري بقى تاريخي فعلا

Labels:

 
posted by Rivendell** at 11:36 PM | Permalink | 3 الكومنتات الكريمة
7'esha

So I was living in hell the last few days... Real hell …. Ayna3m nothing is changed but I feel better... much better …. Thank you guys … for your great faith in me that was beyond my imagination... I don’t want to think what would happened to me without the 2 of you, I can’t complain of being lonely anymore

thaaaaaaaaaaank youuuuuuu

Labels:

 
posted by Rivendell** at 11:13 PM | Permalink |