شيكا بيكا وبوليتيكا .. ومقالب أنتيكا ولا تزعل ولا تحزن .. اضحك برضه يا ويكا ها ها ها ها .. ع الشيكا بيكا !

Sunday, August 24, 2008
تكرار
انا عيد ميلادي كان يوم 8 \8
كل سنة وانا طيبة وعقبال السنة الجاية وانا واقفة في نفس المكان
لا صحيح هابقى اتخرجت - باذن الله - لكن هابقى في نفس المكان كل الحياة بتعدي حواليا وانا ماشية بالسلو موشن
عادي وايه الجديد
البلوج يقبع الان في مكان متاخر من اهتماماتي مع انه كان في وقت من الاوقات على القمة
قلة اصل مني انا عارفة بس قلبي ماعدش بيجيبني هنا كتير , بيقولوا برج الاسد بيكره بسرعة زي ما بيحب بسرعة
ماقدرش احكم لاني ماعدتش باسيب نفسي اجرب
دا مش معناه اني بكره
لكن برمجت نفسي على اوبشن الدليت والايجنور
عشان ما يبقاش عندي حاجة اخسرها وتوجعني
عادي انا قولت الكلام دا قبل كدا - مش كدا - مش فاكرة
رمضان جاي وهنرتاح
اكيد هنرتاح
ان شاء الله
مش كدا
انا دايما اون هولد
او عالوايتينج
ولو حد رد عليا من كتر الذهول مش هانطق ولا كلمة
اصلي برمجت نفسي على اوبشن الدليت
انا قولت الكلام دا قبل كدا - من شوية - مش كدا؟

 
posted by Rivendell** at 12:13 AM | Permalink | 7 الكومنتات الكريمة