عادى عادى , دوسى بنزين ولا يهمك ولا تسألى عن السبب .. يمكن كان فيه حاجة مضايقكى وفكرتى فيها بشكل أعمق أو يمكن كنتى مشغلة أغنية حزينة شوية , المهم أنك ارتاحتى فى الأخر , والسد اتهد

أحيانا بتحصل لما حاجات صغيرة تقعد تتجمع تحت السطح ، وفجأة تظهر من غير مقدمات

Bozdrav, nema veza cura!!!
imaš zdravlije i obitelije !!!
nikako važnj
Ossama

د. اسامة انا تقريبا قدرت افهم حضرتك كاتب ايه لكن بالعافية
ممكن تكتبه بالعربي؟

انا شغالة بالجهود الذاتية تماما

الغريب اني وقتها ماكتش باسمع حاجة يا مبرمج ولا كنت بفكر ..كنت مركزة اوي في الطريق قدامي لانه كان زحمة
بس زي ما قلت اهم حاجة اني ارتحت



خبيب
والله مش عارفة بس غالبا لما بتظهر انت بتتعرف عليها وتفهمها لكن كدا .. فضا كدا
منورني

Sretan rođendan!!!
ده اولا عشان النهارده

بعدين انا قلت لك اهلا
مفيش حاجة يا بنتي
عندك الصحة والعيلة
مفيش حاجة مهمة بعد كده
يعني من حين لآخر الواحد محتاج يفضي تانك الموود وده بيحصل على اهون سبب
مش مفروض نفهم ولا نسأل
عارفة ليه عشان دي نعمة
ومرة اخرى
Sretan rođndan

hvala lijepa doktor


انا تقريبا ترجمتها كلها لكن ما كنتش عارفة اترجم
imaš

ولا
Bozdrav


اللغة فلا صعبة بس مثيرة جدا للاهتمام بالنسبالي واعتقد اني لولا دراسة الطب كانت اللغات هتبقى هي اهتمامي الاول

كلام حضرتك صح اهم حاجة الصحة والعيلة ومش مهم الباقي

باكرر
hvala lijepa

على فكرة عشان النهاردة برضه روحي شوفي نهاوند حتلاقي مفاجأة
اسامة

آسف جدا هي:Pozdrav

Imaš
هي الفعل
Imati

To have
في صيغة المخاطب

صباح الخير يا جميل

ريحي نفسك كده وروقي وخديلك حتة شوكولاتية

وبعدين دي حاجة جميلة اللي انتي بتحكيها دي مش وحشة

العياط نعمة والله

زي ما الدكتور أسامة بيقوللك

عندك الصحة والأهل

وأنا بزود العربية (حسد)

يبقى مفيش حاجة مهمة بعد كده


باي باي

اللهم خفف عنا يا رب

البكاء حلو ومفيد ومطلوب

ادعيلي يا رافينديل

تحياتي لك من ماناساس البلد

ازيك يا معاذ
وشوكلاته اكتر من كدا ما ينفعش
ههههههه
اه من العربية وبلاويها .. المشي نعمة يا ولديد
كويس انك لسه عايش وبخير



جرووم
يارب
وربنا معاك يارب ان شاء الله
تيجي بالسلامة

(:

أنا عارفه الحاله دي
هي بتكون من غير سبب خالص
بس أكيد بتكون من ضغوط انت تحتها
ولما تحاولي تعرفي بتعيطي اووي كده ليه
مش بتلاقي جواب أبدا

مساء شريف ونضيف

ازيك يا سها؟ الموضوع ده عادي خالص ومالوش سبب ولا تحاولى تدوري على مبرر او اجابة
دي من عجائب النفس البشرية المتقلبة بين هذا المود وذاك الشعور دون اي مقدمات وبلا اي وعى

وبلاش تخلى مشاعرك مرتبطة بدواسة البنزين
ولما الايحاءات السلبية دي تهجم عليكى تانى .....انزلى من العربية احسن

دمتى بكل خير

أحيان كتير الانسان بيحصله فقد مؤقت لجهاز الاحساس بالمتع وبالحياة عامة
ساعتها بيحس بغربة
بيتم
ومبيسعفوش غير دموعه اللي بتفكرة انه بني ادم
حسي يا ستي زي ما انتي عاوزة
بس بلاش وقت السواقة يعني
ان مكانش عشانك
يبقى عشان العربية
:)
انسانيتك بخير
لا تقلقي
مجرد تهنيجة عادية

أول مرة اخد بالي من حكاية
enya
في البروفيل عندك
هو كل طب كده
؟

أقوللك على حاجة
أيام التدريب بتاع لصحرا الغربية شفت هناك صمام أمان بيركب على خط الغاز أو زيت البترول ... الصمام ده وظيفته إن لما الضغط في خط الانابيب يزيد عن قيمة معينة... يضرب... أيوه يضرب... تسمعي صوت انفجار و يفرغ الضغط الزايد دا يا إما في الصحرا يا إما في خزان احتياطي يا إما علي شعلة احتراق.... ما بالك إحنا البشر... ربنا يحفظك من كل شر

ازيكيييييييييي يا قمرة....وحشتيني
حمد الله على السلامة
:)

أيوة بتحصل
بتحصل عادي جداً
ودة إن دل على شيء، فيدل على إنك بني أدمة عادية وطبيعية جداً وزي الفل كمان
:)

غالباً بيبقى تراكمات حاجات قديمة صغيرة أوي وانتي مش فاكراها، بس بمجرد انك تعيطي بتحسي بالراحة
والله أعلم

المهم تكوني دلوقتي كويسة وأمورة
:)

تبقي تطمني عليكي يا دوك
:)
نوني