نشاطركم الافراح
انه في يوم واحد تسعة الفين وسبعة هتبدأ امتحانات سنة خامسة الكبيسة واللي بعد الشر بعد الشر مش هتبقى اخر الاحزان حيث انه لسه هناك سنة كمان ومافيش تخليص زي باقي الامة
وتقرر انه سيكون الموافق 9 اكتوبر هو اليوم المفترج لفك الكرب
وحيث انه احنا حاليا عاملين زي البيت الوقف وزي الست اللي جوزها سايبها متعلقة لاهي متطلقة تشوف حالها ولا هي متجوزة وعندها بعل فاني انا قد قررت ان اضربها طبنجة واشد الرحال الى الاسكندرية مع العائلة الكريمة في رحلة ميمونة ولتولع الباطنة ولتحترق الاطفال وليسقط صاروخ موجه ارض ارض على جامعة الزقازيق كلها
ونوصي بالشكر السيد رئيس قسم الاطفال عشان بيحب دفعتنا وناوي يسقطنا السنة دي
والسيد محافظ الشرقية عشان الشوارع اللي دشدشت عفشة العربية
والسيد مدير عام المطافي لسرعة الاستجابة
وعم عاطف البقال
وشغالة الجيران عشان جابت فردة الشراب
وبتوع التكييف عشان جم صلحوه بعد طناش
والعسكري اللي سحب الرخصة
والحاج والحاجة اللي جابولي هدوم مش مقاسي
واختي اللي احتلت السرير ومش عارفة انام بسببها
والدكتور اللي قلبنا وماجاش الدرس بعد ما نزلناله مخصوص في درجة حرارة 43 مئوية
وقااال ايه نسي
وبس خلاص
********
لا اناااااااام
*******
اخـتـي
*********
ربنا يسلمك ويحميكي يا كبيرة النجعاوية
ربنا يعينك يا رب
حلو مقابلة الأهل والأحباب صح؟
تحياتي لك من ماناساس البلد