شيكا بيكا وبوليتيكا .. ومقالب أنتيكا ولا تزعل ولا تحزن .. اضحك برضه يا ويكا ها ها ها ها .. ع الشيكا بيكا !

Saturday, July 07, 2007
طقطقطق
منقووول يا جماعة لكن مش عارفة منين انا سمحت لنفسي بحذف العنوان الاصلي لياخدوني وانا ورايا مذاكرة وطب واشتغالات كدا ومش فاضية خاااالص وطبعا هو دا السبب لوحيد
-------------
------
يا شعبي حبيبي يا روحي يا بيبي

يا حاطك في جيبي يا بن الحلال

يا شعبي يا شاطر يا جابر خواطر

يا ساكن مقابر وصابر وعال

يا واكل سمومك يا بايع هدومك



يا حامل همومك وشايل جبال

يا شعبي اللي نايم وسارح وهايم

وفي الفقر عايم وحاله ده حال

احبك محشش مفرفش مطنش

ودايخ مدروخ وآخر انسطال

احبك مكبر دماغك مخدر

ممشي امورك كده باتكال

واحب اللي ينصب واحب اللي يكدب

واحب اللي ينهب ويسرق تلال

واحب اللي شايف وعارف وخايف

وبالع لسانه وكاتم ماقال

واحب اللي قافل عيونه المغفل

واحب البهايم واحب البغال

واحب اللي راضي واحب اللي فاضي

واحب اللي عايز يربي العيال

واحب اللي يائس واحب اللي بائس

واحب اللي محبط وشايف محال

واحبك تسافر وتبعد تهاجر

وتبعت فلوسك دولار أو ريال

واحبك تطبل تهلل تهبل

عشان ماتش كوره وفيلم ومقال

واحبك تأيد تعضض تمجد

توافق تنافق وتلحس نعال

تحضر نشادر تجمع كوادر

تلمع تقمع تظبط مجال

لكن لو تفكر تخطط تقرر

تشغلي مخك وتفتح جدال

وتبدأ تشاكل وتعمل مشاكل

وتنكش مسائل وتسأل سؤال

وعايز تنور وعايز تطور

وتعمللي روحك مفرد رجال

ساعتها حجيبك لايمكن أسيبك

وراح تبقى عبره وتصبح مثال

حبهدل جنابك واذل اللي جابك

وحيكون عذابك ده فوق الاحتمال

وامرمط سعادتك واهزأ سيادتك

واخلي كرامتك في حالة هزال

وتلبس قضيه وتصبح رزيه

وباقي حياتك تعيش في انعزال

حتقبل ححبك حترفض حلبك

حتطلع حتنزل حجيبلك جمااااال
 
posted by Rivendell** at 12:41 AM | Permalink |


11 الكومنتات:


  • At July 07, 2007 7:54 PM, Blogger Ossama

    حمد لله على السلامة
    كنتوا فين في اسكندرية؟؟؟
    صورة المدرسة جميلة قوي
    عندي منها
    تصوري من قبل حرب المعيز بشوية
    بالنسبة للطب فاعرفي يا دكتورة انه ميتكيلش بالبدنجان
    يعني هجايص
    وده ايامينا شوفي انتي اياميكم يبقى ايه؟؟
    العن
    خالص التحيات من زغرب
    sretan put

     

  • At July 09, 2007 1:49 PM, Blogger Eric Matt


    وطني حبيبي الوطن الاكبر يوم عن يوم عمال بيصغر

    هاهاها وطني ايه بقا انتم خليتم فيها وطن

    ربنا يصلح الحال يا رب

    تحياتي لك من ماناساس البلد

     

  • At July 12, 2007 5:19 PM, Blogger Rivendell**

    د.اسامة
    للاسف حصلت ظروف وما قدرناش نسافر
    ههههههههههه
    حلوة حرب المعيز دي
    هجايص هجايص
    المشكلة لما تبقى بتحب الهجايص دي فعلا
    خالص تحياتي
    lijepi pozdravi

    جرووم
    يصغر يغصر يصغر
    تحياتي

     

  • At July 14, 2007 5:49 AM, Anonymous Anonymous

    الأخت العزيزة المصونة النجعاوية
    سها الشهيرة بريفندل
    السلام على من اتبع الهدى

    .......................

    ده توقيع وإقرار بأني مازلت على قيد الحياة

    وبقالي فترة طويلة مش بدخل على النت ولا بفتح الميل بس الحقيقة دخلت النهارده ولقيتك في نداء عاجل وابحث مع الشرطة ومش عارف إيه كده فقلت أسيب إقرار مني بذلك وسلام الله عليكم ورحمته وبركاته

    تصبحي على خير

    مُزمُز

     

  • At July 14, 2007 11:08 AM, Anonymous Anonymous

    البلوج كله راااائع و فيه تلقائية جميلة
    حلوة صورة المدرسة دي رغم الكام بنت اللي ماضروبين بالإشعاع في نص الصورة
    دينا عبدالعظيم

     

  • At July 20, 2007 4:17 PM, Blogger Noony

    ههههههههههههههههههههههههههههههههههه

    مفيش فايدة فيكي تحفة برضه

    هي فعلاً القصيدة دي جاتلي على الميل من فترة بس ماتجرأتش اني حتى أبعتها لبقية أصحابي

    جريئة أوي يا دوك
    :)
    نوني

     

  • At July 24, 2007 3:02 PM, Blogger أميرة البلطجية

    كميلة خالص البلوج بتاعتك :)

     

  • At July 31, 2007 7:58 AM, Blogger أحمد سلامــة

    ايه ده
    هوا لسه واصلك
    :)
    انا دلوقتي كل شوية الاقيه في مدونه تخيلي
    دانا حتى دخلت مدونتي لاقيته

     

  • At July 31, 2007 5:39 PM, Blogger Rivendell**

    يا اهلا بالجدعان بتوع صيدلة
    مرسي يا دينا ومنوراني بجد




    نووني يا حبي
    انت شكلك فهمتيها غلط
    دا انا مش قصدي حاجة
    دانا غلبااااااااان
    هههههه


    اميرة البلطجية
    مرسي مرسي واهلا بممكلة البلطجة كلها


    احمد سلامة
    هو واصلني من زمان بس انا قولت انشره على اياميها كدا
    منورني يا عظيم

     

  • At August 03, 2007 11:32 PM, Blogger نفسنا

    ندعوكم لزيارة العدد الثالث من مجلة نفسنا
    ومن لدية القدرة على الكتابة ويريد الكتابة معنا يراسلنا
    nafsena@gmail.com

     

  • At September 19, 2007 8:39 PM, Anonymous Anonymous

    جميلة طبعا و ممكن تسمعوها بصوتي من هنا
    فقط انسخ الرابط و ضعه في متصفحك
    www.4shared.com/file/23978996/45dc1f51/__online.html?dirPwdVerified=b4911859&signout=1

     
Post a Comment 3awda