اصوت يا اخواتي واقول جااااي
سريري وانا حرة فيه .... انام عليه .. افكه واحطه ورا الدولاب .. اولع فيه
مش سريري .... لكن مين يقنع جنكيز خان
انا غاوية نوم عالارض .. احب كدا افرش المرتبة وانام عليها
اوسطن الموقع تحت التكييف بالظبط وانام
!! حد شريكي
نومتي وانا حرة فيها يا ولا
لكن لا .. لازم جنكيز خان تيجي وتقولي ... مرتبتك تعباني
مش قادرة ادخل الاوضه وهي مفروشه
يا ستي انت كان حد طلب منك تهوبي ناحية الاوضة
دا انا لو عليا هاركب قفل عالباب
قال المرتبة تعباني قال
تقولي سيبيني افرشلك سريرك الكبير وجربي مش هتخسري حاجه
ماهو بالعقل كدا انا لو عايزة السرير الكبير ماكنتش شلته من الاصل
بس لا ازاااااااي ... لازم الزن
وانا كل اللي في ايدي اني اقول جاااااااااااااااي
مدونتك حلوه قوي..اؤيدك في المطالبه بحريتك ونضالك من اجل نومه مريحه ..بس معلش هما الامهات كده محتاجين نواجههم بحركة ابناء من اجل التغيير