لسه طالعه من علقة امتحان زبالة ... احساس فظيع بالخواء التام ....... كل الافكار اللي كانت بتزن في دماغي وانا بذاكر مش قادرة الحق طرف واحدة منهم دلوقتي .... وقتها كنت حاسة ان دماغي بتضرب في خلاط .... سقراط كان بيتحاور مع الشيف رمزي في احسن طريقة لسلق اعصابي وعمل شوربة عليها .. بس ايه موضوع قلق ما قبل الامتحان تطور تماما معايا ودخل لمراحل جديدة ,عديت ايام ضربات القلب الزايدة السعيدة ودخلت في مرحلة الاختلاجات العنيفة واحساس ان في حد عاصر قلبي جوا ضلوعي .. لا وايه مفاجاة الموسم .. وجع في عضم صباعي السبابة اليمين .. زي ما يكون عمود نار , لدرجة اني شكيت اني عندي التهاب في المفاصل لكن لما خف بعد الامتحان ورجع شد تاني قبل الشفوي عرفت اللي فيها المشكلة ان الكلية امتحاناتها كتشيرررا والتقيل لسه جاي لجان الشفوي ام 200 و 300 درجة ومش لجنة واحد للمادة .. تؤتؤتؤ .. دول 3 و 4 .. يعني اللي زيي يروح ينتحر وينجز المسالة من اولها خاااالص , شخصية محترمة لما قولتلها كدا قالتلي وداخلة طب تعملي ايه .. بصراحة ماعرفتش ارد ....
هو انا داخلة الكلية دي اهبب ايه صحيح ...
Sunday, October 01, 2006
صباح روشتة العيا
ألف سلامه عليكى :)