Friday, September 08, 2006
عودة مباغتة
واضح انه مافيش مفر ... كان مفروض اكتب عن تجربة ومش لاقيه كلام .... فعلا خلصت الكلام من اول مرة .... وماتبقاش قدامي غير سؤال الحقيقه ...هاعمل ايه بالبلوج دا ...كانت الاجابه بسيطه .. هاكتب عن حاجه تانيه .. اكتب عن نفسي وعن هواجسي وشياطيني ... بس ازاي هاحكي نفسي في سطور اي حد ممكن يشوفها ... اي حد هيفتح البروفايل بتاعي هييجي هنا ... والمشكله مش في اللي مااعرفهمش ... المشكله في اللي اعرفهم ويعرفوني ... حاجات كتير عايزة اقولها من غير ما يعرفوها .. جبانة ... اكيد .. لكن اعمل ايه .. ووصلت لطريق مسدود , انا مش قادرة اقفل البلوج دا وبرضه مش قادرة اسيبه ساكت كدا ... هاتكلم ... خطوة ذكيه او غبيه مش مهم المهم اني مش هابقى جبانة
