ايه الموضوع يا اخواتي ... اجي اسلم على واحده الاقيها ضربت تشنيجة وتقوم بايساني .. اما .. اما .. زي ما تكون البت خلاص هيغمن عليها من كتر الرقه .. ايه الاشكال اللي بتتحدف عالواحد دي انا مش عارفه .. طبعا هذه الفصيلة كلها بتتمتع بعضلة الالاطه المفقوده عندي وعندهم عصب الرسم عالي وعامل شغل .. تلاقي حواجب الواحدة منهم دايما مقربة من بعض كدا زي ما تكون بتقول ياي عالقرف انا بتنفس هوا من اللي بتتنفسوه يا جرابيع .... دايما صوتها واطي ومبحوح .. والغريبة اني بلاقي الولاد بيتسطلوا لما يشوفوا واحده زي دي .. بس دا طبيعي اصلهم مش بيبقوا شافوها وهي قاعده مع اصحابها في قاعدة بناتي خالصة .. وهي بتقول كفك يا معلم وقشطة يا باشا .. وعدد من الالفاظ الخارجة الاخرى اللي مش هاكتبها هنا بس صدقوني هتزبهلوا لو سمعتوها .. المصيبة ان الولاد بينبهروا بالاشكال دي بطريقة مريضة بجد .... تحس ان الواحد فيهم لما يبقى معروف انه صاحب مجموعة من دول انه بيرفرف كدا .. بس طبعا النوعية دي بيبقى صعب تقول عليها ولاد او رجالة بمعنى اصح وبيبقى ناقصهم لبانة يطرقعوا بيها فخلاص مش هنحسبهم ...... يلا بــاي .. امـا .. امــا
Labels: mE
بس طبعا النوعية دي بيبقى صعب تقول عليها ولاد او رجالة بمعنى اصح وبيبقى ناقصهم لبانة يطرقعوا بيها فخلاص مش هنحسبهم ..
اديكى قلتيها .., دول رأيهم تقولى طظ فيه وانتى مرتاحة ..
وحكاية البنات دوول ..,انا كمان مفقوع منها .., اضم فقعتى الى فقعتك ويا ريت نعمل حركة عامة نسميها مناهضة التشنج والافتعال والتمثيل بين الجنسين
وشكرا