مش عارفه ايه مشكلة الناس مع الحبسة في الاسانسير ... وانا نازلة من بيتنا الاسانسير عطل بيا .. وايع يعني عادي .. كنت قريبة من الدور التاني كدا ناديت على البواب ييجي يتصرف .. وبما ان الموقعة حصلت قدام حيطة كان لازم يطلع لحد ال 13 عشان يسحب الاسانسير قدام باب , وبما ان الراجل من عمر منقرع كدا , وبما اني انا اللي جوا الاسانسير قلت يبقى الموضوع هيطول .. قمت فارشة ورق واستريعت عالارض وقعدت اراقب الحياة من منظور مختلف ... الحقيقة افتكرت ايام ماكنت قزعة وكان الحاج الوالد بيقيس طولي انا واخواتي على حسب رقم الدور اللي بنوصله .. اول ما سكنا هنا كنت عند التاني .. حاليا انا وصلت لارتفاع برج القاهره ..... يلا ابتديت احس بحركة الاسانسير , تقريبا قربت اخرج , خسارة خرجوني من تأملاتي ... اممممممم شكلي كدا هكررها تاني ... طبعا لما وصلت الدرس متأخرة ساعة اضطريت اسحب الدكتور برة عشان احكيله عاللي حصل من غير ما زملاء الدرس الاعزاء يسمعوا حاجه حفظا لمنظري التاريخي قدامهم .. طبعا هما بيقروا الكلام دا دلوقتي ومنظري بقى تاريخي فعلا
Labels: mE
ها ها ها
بقى ده اللى اخرك عالامتحان
وانا اقول خدت الدكتور برة بتقوله ايه
ومجتش فرصة اسألك
بصراحة انا كان عندى فضول اعرف فيه ايه
بس كويس انتى مش حرمانا من حاجة
حاجة غريبة انك متخافيش وانتى جوا الاسانسير وهو عطلان وكمان لوحدك
بجد حاجة غريبة
بس انتى عودتينا على كده
:)