الزكازيك تحت رحمة الخماسين
مانشيت ينفع اجدعها مجلة محلية
بس هي دي الحكيكة المرة ... الجو يوم التلات اللي هو امبارح كان غير طبيعي
زوابع رملة وتراب على حين غفلة كدا
مع ان الجو كان الصبح كويس جه على الساعة اتناشر كدا قلب
الصور اللي فوق دي الساعة واحدة الضهر مش المغرب زي ما ممكن تتخيلوا
انا كنيت في بيتنا طبعا وما عتبتش براه .. دا انا كنت جوا ونازلة كحة لما روحي كانت هتطلع
الجو فضل كدا لحد المغرب تقريبا وبعدين هدي لوحده
مع اني قلت انها مش هتتظبط الا بمطرة , لكن ظبطت لوحدها
سبحاااااااااان الله
-----------------------------------------------------------
مع الزاوبيع اللي كانت شغالة دي بقى كابل النت اتقطع
اتضرب من جزوره اللي هي كانت في بلكونتنا
وانا بما اني كنت دخلت في ادمان وما كنتش بقوم تقريبا
فماصدقت وقولت فرصة خلي السنة تعدي على خير
ومش هنصلح الكابل
وصمدت طوووول امبارح
وصحيت النهاردة الصبح بأعراض انسحاب
اه والله
دماغي كانت مضروبة في الخلاط
هههههههههه
اول واحدة يجيلها اعراض انسحاب من النت
سجل يا تاريييييخ
المهم جيت النهاردة بقى وقولت ما بدهاااش
انا هصلحه
هئهئهئ انا ماليش خبرة خالص في موضوع الكهربا دااااا
بس اللي فيه داء بقى
روحت داخلة عالكابل
واول ما قولت يا شغل
روحت ماسكة السلك اللي اتقطع
وعيييييييييييينك ما تشوف الا النوووووور
كهربااااااااااااا ضربت في ايدي اليمين
اااااااااه يا دراعي
الهبلة اللي هي انا ماكانتش فصلت الكهربا
اااااه يا دراعي
بس على مين ... تحاملت على آلامي وروحت فصلت الكهربا
وغيرت الفيشة اللي كانت باظط ووصلت السلك بفيشة جديدة ولا اجدعها كهروبائي
وروحت مرجعة الكهربا
كل ما اجي ارفع الكوبس ينزل تاني
وانا التخلف ركبني
مش افهم ان في مشكلة لا ارفعه تاني
تقريبا الكهربا كانت وصلت لدماغي
هههههههههه
فين وفين عقبال ما افتكرت ان بابا لما كان بييجي يوصل سلكين ببعض
كان بيخلي كل سلك لوحده
يعني هما اتنين فوق واتنبن تحت وكل واحد مع اللي قدامه
وانا اتاريني وصلتهم كدا لكن لفيتهم بالشريط العازل مع بعض
روحت عدلتهم
ورجعت رجعت الكهربا
ولا اجدعها اسطى كهروبااائي
واديني عودت اللى النت تاني
وشكلي هاسقط السنة دي
بس انا دراعي اليمين مش متظبط
مش عاااارف اعمل في ايه
اللي عايز خدمات كهربائية بقى انا في الخدمة
بس على شرط يخليلي البيت الاول من الناس
عشان ما اضمنش المرة الجاية هاعمل ايه
اااااااااااااااااااااااااااااه يا دراعي
هاهاهاهاههاهاهاهاهاها
سلامة دراعك يا اسطى
مش تبقى تجيب مفك عازل
انت اتعلمت الكهربا فين؟ في السلخانة؟
ربنا يكرمك و يشفيكي و يسلمك لينا دايما يا رب
تحياتي لك و ربنا يكرمك على البوست الخفيف ده
تحياتي لك من ماناساس البلد