وبعد 12 شهر تنتهي الباطنة اخيرا

حاسة احساس اللي كان واقف في الشمس كتير لحد ما دماغه ساحت

عدى الكلينيكال والغريبة انه كان تجربة سارة

ممكن دلوقتي بس اقول رمضان ابتدا

صحبح لسه الاطفال اللي هتخلص مع اخر يوم من رمضان

لكن حقيقي زي علقة الباطنة مافيش

تخرج من امتحان لإمتحان لإمتحان

ومن توتر وفزع وانسحاق تام ليلة كل امتحان

عشان تلاقي بعد يوم او اتنين نفس الوضع بيتكرر

خلصت الباطنة غير مأسوفا عليها

وخلصت معاها سنة من أسوأ السنين اللي عدت في حياتي وحياة اللي حواليا

مش عارفة اقول ايه

احساس بالخواء التام

والغريبة انها مش اخر سنة

لكن تبقى الحقيقة انه وبطريقة ما شاخت قلوبنا بسرعة

........ رمضان كريم عليكم

ان تشعر بالفقد .. يدور راسك بحثا عن مخرج اعتدت دوما ان تلجأ اليه .. وحين لا تجده تهلع .. تندهش حين يصبح لهذه التفصيلة
البسيطة كل هذا التأثير المهول .

ان تشعر بالافتقاد .. غصة الحلق والألم .. ان تعتاد ومن ثم تعرف متى تتوقف ثم تعتاد الاعتياد فتتفاجأ بالتفاصيل تنهش ما تبقى من بقايا

الكنز المخفي .. تخشى ان يـُستهلك فتعامله بحرص .. تـُنصت الى حوارك الداخلي فتكتشف انك قد صمت منذ امد .. تلتمس حميمية من ذرات الهواء ومن قطرات الماء ومن كلمة الو تبدو مشوشة قليلا , تلتمسها في ابتسامة عابرة او تحية حارة صادقة ثم تتوقف عن ان تكون وعن البحث وعن الوجود
تضحك وتضحك وتضحك وحين تصمت اخيرا تتجهم بلا سبب
تعترض محافظا ً على صمتك و تكذب بلا وعي
ثم تلتمس الحميمية من لا شيء
وتشعر بعدها بالفقد
.........