At February 24, 2007 6:09 PM, Rivendell**
ابو مريم
ربنا يكرمك يارب بس ياريتك تقولي انت مين لاني باتبسط جدا لما باحس ان في حد مركز مع كلامي .. موضوع لعبة الكومنتات دا مش بييبقى من كل الناس ,بيبان وانا بحس على طول مين اللي فعلا بيعلق لانه مهتم ومين اللي بيرمي كلمتين والسلام .. وانا احساسي دايما بيبقى صح
بجد ياريتك تقول انت مين
عمنا الصغير معاااااذ
بلاش انا مفروض دكتورة مش معقولة يعنى اسبب المرض لغيري وكمان كدا هابقى باعمل انتشار لحاجه ما تستاهلش
سلملي على يارا
At February 25, 2007 2:15 AM, مُزمُز
حبيت أضيف حاجة
لو معندكيش مانع
رأيك عن التعليقات بصراحة متطرف جدا
طريقة الحكم دي على الأشياء وبنفس السخرية دي بتفكرني برفعت إسماعيل ربنا يديلو الصحة
هههه
والله بجد
هو آه فعلا الواحد أحيانا بيعلق من غير مبرر يعني ممكن الموضوع يكون ميستاهلش بس ده بيكون ليه قيمة تانية في رأيي وهي التواااااصل
لأن التعليق في نظري مش لازم دايما يكون إعجاب بالموضوع أو حتى نقد أو اهتمام ممكن يكون إثبات حضور بس مش أكتر
أقول حاجة كمان
غتاتة معلش اسمه
التحديث الأخير ده مهم وحقيقي
أنا برضه كنت عايز أقوللك إن البوست ده من أجمل الحاجات اللي كتبتيها هو وبوست تاني كان اسمه ابتسامة صافية
لحد النهاردة لسة معجب بيه زي أول مرة
At February 25, 2007 8:43 PM, Rivendell**
انا اساسا بني ادمة متطرفة ودي حاجه انا عارفاها ومابحبش الانتظار او التوقع , يعني ما بحبش استنى الكومنتات لانها ممكن تتكتب وممكن لا فبستغنة عنها لان شعاري في الحياة هو مكافحة الغلاء بالاستغناء :)
بالنسبة لرفعت اسماعيل فانا من تلاميذ د.احمد خالد المخلصين جدا لكن الملل والسخرية دول جم من الحياة نفسها
انا معاك ان ابتسامة كم احلى ماكتبت
بص بقى بما انك مستحمس كدا يبقى انا بباصي التاج دا ليك ماشي
At February 27, 2007 11:13 PM, Rivendell**
انسانة
انت اللي وحشاني موووت يا سمسمة .. ايه يا بنتي الغيبة دي
ربنا يكرمك والسلام كله وصل ومرسي مووت لذوقك
لا انا مش عندي امتحانات انا شغالة راوند الفضا الشهير بالباطنة العامة لكن هما يا عيني عندهم باطنة خاصه وبيمتحنوا كل عشر ايام هاهاها ( ضحكة شريرة )
زوردياك
موتور تيربو يا فندم شغال على طول
والله انا زعلت جدا اني ضايقت حد كدا اساسا انا بتبسط لما بحس ان حد مهتم فمابالك بقى لما ازعله مني
الفيلم فعلا واو واثر عليا جامد وانا بشوفه
أنا محتفظ برابط المدونة بتاعتك في المفضلة من أيام ما كان اسمها تجربة فعالة .. وما سبقش ليا إني علقت هنا قبل كده
المهم أنا كنت عايز أقول إن مدونتك جميلة جداً .. وفيه بوستات ممتازة عجبتني جداً زي بوست هواجسي الحزينة .. اللي حطيت رابط ليه في مدونتي
على فكرة .. أنا ما حطيتش رابط مدونتي عشان ما تقوليش إني منتظر تردي التعليق عندي
تحياتي